विहीर अनुदान योजना | Vihir Anudan Yojana | मागेल त्याला विहीर योजना –
पैशाने अभावी बहुतांश शेतकऱ्यांना त्यांच्या शेतामध्ये विहीर खोदता येणे शक्य होत नाही आणि त्यामुळे शेती करणे सुद्धा या शेतकऱ्यांना कठीण होऊन जाते आणि पाण्याचा मोठा प्रश्न सुद्धा उद्भवतो. म्हणूनच विहीर अनुदान योजनेअंतर्गत राज्यांमधील आर्थिक दृष्ट्या गरीब शेतकऱ्यांना विहीर खोदण्यासाठी चार लाख रुपयांचे अनुदान देण्यात येते. चला तर जाणून घेऊयात विहीर अनुदान योजनेबद्दल अधिक माहिती…
विहीर अनुदान योजना | Vihir Anudan Yojana –
– विहीर अनुदान योजना राज्यांमधील आर्थिक दृष्ट्या गरीब शेतकऱ्यांना पाणी मिळावे या उद्देशाने सुरू करण्यात आलेली आहे.
– या योजनेमुळे राज्यांमधील आर्थिक दृष्ट्या गरीब कुटुंबांचा सामाजिक व आर्थिक विकास करण्यामध्ये मदत होईल.
– शेतकऱ्यांना आर्थिक पाठबळ देऊन त्यांचे जीवनमान उंचावण्यामध्ये सुद्धा या योजनेमुळे हातभार लागू शकतो.
– विहीर अनुदान योजनेमुळे शेतकऱ्यांना शेतीसाठी लागणाऱ्या पाण्याची चिंता करावी लागणार नाही त्याचबरोबर आर्थिक दृष्ट्या गरीब शेतकऱ्यांना विहीर खोदण्यासाठी इतर कोणाकडे पैशांसाठी अवलंबून राहावे लागणार नाही.
– शेतकऱ्यांना मिळणारी आर्थिक राशी डीबीटीच्या सहाय्याने बँक खात्यामध्ये जमा केली जाईल.
विहीर अनुदान योजना 2023 अंतर्गत शेतकऱ्यांना दिले जाणारे अनुदान –
– शेतकऱ्यांना विहीर खोदण्यासाठी विहीर अनुदान योजना अंतर्गत चार लाखांचे आर्थिक सहाय्य केले जाईल.
विहीर अनुदान योजनेचे लाभार्थी | Vihir Anudan Yojana Beneficiary –
– आर्थिक दृष्ट्या गरीब शेतकरी
– अनुसूचित जाती – जमाती प्रवर्गातील व्यक्ती
– भटक्या व विमुक्त जाती प्रवर्गांमधील व्यक्ती
– जॉब कार्ड धारक व्यक्ती
– जर एखाद्या कुटुंबामध्ये आत्महत्या झालेली असेल तर त्यांचे वारसदार
– इंदिरा आवास योजनेचे लाभार्थी
– इतर मागासवर्गीय प्रवर्गातील व्यक्ती/शेतकरी
– ज्यांच्याकडे अडीच एकर पर्यंत जमीन आहे असे शेतकरी म्हणजेच सीमांत शेतकरी
– महिला कर्ता असलेल्या कुटुंबातील महिला
– शारीरिक दृष्ट्या विकलांग व्यक्ती कर्ता असलेली कुटुंबे
– जमिनी सुधारक सुधारण्याचे लाभार्थी
– नीरधीसूचित जमाती
– ज्यांच्याकडे पाच एकर पर्यंत जमीन आहे असे शेतकरी म्हणजेच अल्पभूधारक शेतकरी
विहीर अनुदान योजना आवश्यक पात्रता | Eligibility criteria –
– विहीर अनुदान योजनेचा लाभ घेण्यासाठी अर्जदार शेतकरी असून महाराष्ट्र राज्यामधील मूळ रहिवाशी असणे गरजेचे आहे.
– अर्जदाराकडे शेती योग्य जमीन असणे गरजेचे आहे.
– अर्जदाराच्या शेतीमध्ये यापूर्वी विहीर नसणे आवश्यक आहे.
– अर्जदार शेतकऱ्याकडे कमीत कमी 0.40 हेक्टर इतके क्षेत्र सलग असणे गरजेचे आहे.
– विहीर अनुदान योजनेसाठी अर्ज करण्यापूर्वी अर्जदाराने इतर योजनांमार्फत शेततळे किंवा सामुदायिक शेततळे यांसारख्या योजनांचा लाभ घेतलेला नसावा.
– जर समजा अर्जदार शेतकऱ्यांच्या जमिनीमध्ये इतर सह हिस्सेदार असेल तर अशावेळी अर्जासोबत त्या हिस्सेदार ना हरकत प्रमाणपत्र जोडणे गरजेचे आहे.
विहीर अनुदान योजनेसाठी आवश्यक कागदपत्रे | Vihir Anudan yojana necessary documents –
– रहिवासी दाखला
– रेशन कार्ड
– आधार कार्ड
– बँक अकाउंट डिटेल्स
– सातबारा व आठ अ अशी जमिनीची कागदपत्रे
– मोबाईल नंबर/ई-मेल आयडी
– पासपोर्ट साईज फोटो
– रोजगार हमी योजनेचे जॉब कार्ड
– जर समजा सामुदायिक विहीर असेल तर सर्व लाभार्थी मिळून 0.40 हेक्टर पेक्षा अधिक सलग जमीन असल्याचा पंचनामा
– जर समजा समुदायिक विहीर असेल तर समोपचाराने पाणी वापरणे बाबत सर्व लाभार्थ्यांमध्ये करार पत्र
विहीर अनुदान योजनेअंतर्गत अर्ज | Vihir anudan yojana application –
– ग्रामपंचायत कार्यालयामधून ग्रामसेवकाकडून किंवा जिल्हा कार्यालयातील कृषी विभागात जाऊन विहीर अनुदान योजनेचा अर्ज मिळेल.
– अर्ज व्यवस्थित रित्या भरून त्यासोबत आवश्यक ती सर्व कागदपत्रे जोडून अर्ज जमा करावा.
– त्यानंतर ग्रामपंचायतीमार्फत हे अर्ज ऑनलाईन रित्या भरले जातील.
– त्यानंतर योग्य ती सर्व पडताळणी होऊन जर समजा आपण विहीर अनुदान योजनेसाठी पात्र असू तर या योजनेअंतर्गत लाभ आपल्याला मिळू शकतो.
| जॉईन करा Whatsapp वर | https://wa.openinapp.link/ufn1x |
| जॉईन टेलिग्राम ग्रुप | https://t.me/iconikMarathimotivation |
| मला मेसेज करा | https://ig.me/j/AbYXlahtFJxHnFRi/ |
| आपली वेबसाईट | https://iconikmarathi.com/ |
| ai टूल्स साठी | https://yt.openinapp.co/iconik2 |
| युट्युब | https://yt.openinapp.co/iconikMarathi |